اهلا رمضاان

السلام عليكم و رحمة الله و بركاته

رمضان..رمضان..رمضان

دلوقتى كل الناس بتتكلم عن رمضان

و كل المدونات و في كل حتة

بس قبل بقى ما انا ابدا اتكلم عن رمضان في سؤال حيرنى

ازاى استعديت لرمضان؟؟؟؟
تعالوا كده كل واحد يجاوب السؤال ده في نفسه

هنلاقي في اللى هيلاقي الاجابة و تكون واضحه قدامه

و فى ناس تانية هتقول لسه مش فكرت في السؤال ده

و في اللى هيقول انا عملت جدول محاسبة و اللى بدا يصلى السنن

كل ديه حاجات كويسة جدا

و على فكرة يا جماعة المفروض كل واحد يحط قدامه هدف عايز يحققه في رمضان

لان رمضان ده فرصة و لازم نغتنمها مش ينفع نسيبه كده من غير ما نطلع منه بحاجة

لان رمضان مش زى باقى الشهور لان فيه تسلسل الشياطين و تفتح ابواب الجنة

بس يعنى احنا عايزين ايه اكتر من كده علشان نفوق بقى و نرجع لربنا

بس و يارب فعلا نكون من الفائزين برمضان ان شاء الله

و نطلع من رمضان السنادى بتغير في كل حياتنا و دوام على الطاعة ان شاء الله

لانى للاسف بشوف ناس كتير اوى بنلبس الحجاب في رمضانو تقلعوه بعدها علطول

و ناس كتير تحافظ على الصلاة في اوقاتها و في المسجد و بعد رمضان مش تصلى اصلا

طب ليه ؟؟؟؟؟؟؟؟؟؟؟؟؟؟؟؟

مش معنى ان رمضان هو شهر الرحم و الغفران

و ان اوله رحمة و اوسطه مغفرة و اخره عتق من النار

ان الناس مش تفتكر ربنا و طيعه الا فيه بس

بالعس ده المفروض يسيب اثر في كل حياتنا

و فى الاخر يا ريت اللى لسه مش استعد لرمضان يستعد و يلاقى هدف

لان خلاص رمضان على الابواب

فاللهم بلغنا رمضان و اجعلنا من الفائزين به في الدنيا و الاخرة يا رب العالمين

اللهم امين

كل عام و انتم بخير

رمضان كريم